गजल :-
*************
आफ्नै संग हिंडौ भन्थें,झन धेरै झेल पो भयो
जिन्दगी  जुवाडेको, तासको  खेल  पो  भयो

लक्षमा पुग्ने ति आशा, विचमै ओईलाई गयो
गन्तव्य न पुग्दै  लड़ने ,जिन्दगी रेल पो भयो

शान्त सागरमा  पुग्न ,नदिको सहारा  लिएं
जिन्दगी साउनै मासको, उर्लेको भेल पो भयो

सांचो  बोलौ त आफ्नैले , चित्त धेरै  दुःखाउने
झुटो बोलौं यो जिन्दगी, मिसावट तेल पो भयो

यात्रा  सहज   बनाउने,  ईच्छा  अधुरै   रह्यो
लक्ष्य टुटेको यात्रा यो, तिहारको सेल पो भयो
                             -०-