गजल
********
पिडा बगाउंछु आंखा बाट, कायर भन्छ मान्छे
जब त्यै पिडा कलमले पोख्दा,  वाह वाह भन्छ मान्छे

गजब छ दुनिया आंसु र हांसो, बुझ्दिने कोही छैन
पराईको घाउमा औंशा परे नि, ताली पो ठोक्छ मान्छे

उन्नति देख्न सक्दैन मान्छे‌, भरेंगमा खुट्टा तान्छ
मेरो यो भोक र शोकमा रमाई ,  मुसुक्क हास्छ मान्छे

मेरो गर्मी छेक्ने शितल छहारी,  उखेली  फालि दिन्छ
हिउंदको मेरो न्यानो त्यो घाम,  हातैले छेक्छ मान्छे

दुनिया चाहन्छ  झुटो बोलुं म,उसकै प्रसंसा गरि रहुं
तर म चाहन्छु सत्य नै बोल्छु , किन तितो मान्छ मान्छे
                               -०-