सीता स्वयम्वर

      सीता स्वयंवर का लागी राजा जनकको कलियुगी सभा चलिरहेको थियो । स्वयम्वर सभामा  कयौं राजकुमार हरु विच प्रतिष्पर्धा देखिन्थ्यो । जब कसैले एक्लै  धनुष उठाउन नसक्ने छनक पाय पछि दुई जना महत्त्वाकांक्षी राजकुमार हरु बिच सल्लाह भयो , "दुई जना मिलेर "धानुषि गठबन्धन" गरौं , धनुष सजिलै उठाउन सकिने छ ।" दुई राजकुमारको गठबन्धनले एकै पटक बल लगायो , नभन्दै धनुष जुरुक्कै उठ्यो ।
पत्रकार जस्तै देखिने एक जनाले सोध्यो - "अब सीता संग विहे चाहिं कसले गर्नु हुन्छ !
उनिहरुले भने "यस बारेमा गंभीर रुपले सल्लाह गर्नेछौं । दोस्रो चरणमा हाम्रो प्रतियोगितात्मक द्वन्द हुने छ , अन्त्यमा त्यस प्रतियोगिता मा  जो बांकि रहला  बिहे भने उसैले गर्नेछ । हाम्रो उद्देश्य भनेको त्रेतायुगमा जस्तै कलिमा पनि , रामलेनै सिता संग विहे गर्न नपाउन भन्ने  मात्रै हो ।"
त्यसले पुनः प्रश्न गर्यो , "उसो  भय तपाईंहरुको यो द्वन्दमा दुई मध्य एकजना नरहने निश्चित छ हो  ? "
दुवैले गम्भीर मुद्रामा एकैचोटी भने -" तपाईंले सहि कुरा सोध्नु भयो , सत्य कुरो यहि हो  ।"
                            -०-