गजल :-

ताई न तुईको कविता देखि,टेन्सन भयो भन्छ
गजल देख्यो कि मुखकुच्च्याई,काईते पो भन्छ

तिरीमिरी हुन्छ पढछ गजल , भन्छ स्तर छैन
बिजुली पानी चढ्दै जांदा,टिप्पणी पनि हान्छ

जब उसको नसा उत्रियो,टिप्पणी मेटि दियो  
जुकरेको खुल्ला मैदान , उस्कै  दाईजो ठान्छ

लेख्न सबलाई छुट छ है , सम्पादक को छ र
तनाव किन लिन्छौ बन्धु ,अबरोध गर्न पाईन्छ

फेसबुकिया कवि हेर , ज्यादै ज्याद्रो हुन्छ
तिमी टाउको ठोक्दै जाउ,कविता ग़ज़ल बन्छ
                             -०-