गजल
*******
किन होला हिजो आज , मुस्कुराउन छोडेकी छे
के हो के हो अर्कै संग , माया  प्रिती जोडेकी छे

केही दिन अघि  भन्दै थिई , अब छिट्टै बिहे गरौं
अहिले कुरा उठान गर्दा , अन्तै  कुरा मोडेकी छे

संगै मर्ने संगै जिउने , कसम हाम्ले खा'का थियौं
अहिले  तिनै  वाचा  कसम , नराम्ररी  तोडेकी छे

स्वार्थि  रैछ  यो दुनिया , उ मात्रै पो  के कम  थिई
उस्ले मलाई साग बारीको , गन्धे ठानी गोडेकी छे

यतिन्जेल  उसकै बाटो , हेर्दै थिएं  झुक्याई मलाई
उसको कुरा बल्ल बुझें , कस्को घुम्टो ओडेकी  छे

-०-